咁一棵菜又点样帮到人呢？如果你系大围人、屯门人，经过港铁站应该会留意到一间专卖有机蔬菜嘅铺头—「farmfresh330」，系新生会旗下帮助精神病康复者嘅社企，有自家「新生农场」同工场畀康复者学习种植有机蔬菜、制作有机豆品，帮助佢哋获得工作机会，可以重投社会。
门市店铺都会聘请康复者，帮助佢哋喺工作中建立自信。
自家种植 本地有机蔬菜
店铺嘅有机蔬菜均嚟自自家「新生农场」，该农场已获得2个本地有机认证，确保蔬菜、香草等农作物都不含化学农药或肥料，食得安全健康又可以保护生态环境。
社企嘅有机菜定价非常亲民，希望大部份人都可以轻松食得健康，微薄收入就用嚟支持营运同帮助有需要人士。如果你都追求有机生活，不妨支持社企店铺，令一棵菜都买得更有意义。
所有蔬菜都系即割即送达店铺，如果即日未卖出嘅蔬菜；隔日仲有折扣优惠𠻹，依然新鲜清爽㗎！想食抵啲就要留意折扣标签喇。
康复者用心制作 「正豆」有机豆品
「farmfresh330」自家品牌「正豆」，同样由精神病康复者亲自制作各种豆品—豆浆、豆腐等。店家就话其实早年康复者只能喺工场做较低技术工作(如入信封)，为令康复者可以学习更多技能就成立咗「正豆」。
细心一睇，会发现每件「正豆」产品背后都印上参与制作嘅康复者心声。拎喺手中嘅豆浆仿佛拉近我哋嘅距离，感受到一班康复者嘅心意同温暖。
Like Facebook 免费获可爱礼品！
香港有好多社企一直默默地帮助有需要嘅人，如果你想出一分力但无时间做义工，再简单啲真系食餐饭、买棵菜就帮到人喇，而家仲可免费获得礼品𠻹！
1) 只要于指定社企Like 社企 及 「社企 ‧ 有社会使命的企业」Facebook @sehk.gov.hk 就可免费获得Nick The Robot Kraft Paper Notebook collection；
2) 于指定社企买满HK$50 或以上，并拍摄该社企产品或店面、上载至你自己嘅Facebook 并Hashtag #我支持社企，即可免费获Nick The Robot Tote Bag。
点揾呢D社企? 按此: https://www.sehk.gov.hk/pdf/promo2021.pdf
Nick The Robot 外型可爱，其实系创作人李浩迅(Orson) 走出失去至亲阴霾后设计，希望以过来人身份勉励他人乐观面对逆境。
原文网址: openrice